Verð að hrósa núna

Jæja mín lög voru valin áfram í Eurovisionkeppninni þeirri íslensku, mikil gleði, verð aðeins að hrósa þessum þætti í heild, var svo hryllilega óánægð með þann fyrri, en núna var allavegana enginn falskur.

Til upprifjunar - Save me, með Clout

Ég á svo margar góðar minningar með þessu lagi að ég varð að setja það inn á lagalistann minn til að þið getið rifjað upp líka. Hugsa að það fá baul frá x-dómurunum.

Man ekki eftir að Ellý hafi verið svona fyndin í denn.

Er að horfa á X-factorinn í sjónvarpinu og þvílíkur þáttur, illa leiðinlegt eða hvað. Hef verið að brosa með kynninum og er farin úr kjálkalið. Hún gæti fengið vinnu sem þula á RÚV, þær brosa alltaf á eftir punkti. Palli alltaf samur við sig með föst skot í allar áttir. En Ellý, var hún svona fyndin í gamla daga? Ekki man ég eftir því, tengjana bara fölsku strippi. En í dag er hún bara hin mesta brandarakelling og ótrúlega einlæg í dómum sínum á keppendum. Hvað hún hefur sofið hjá mörgum trommuleikurum og hvort hún er með 50 eða 100 gr. af sílikoni í andlitinu skiptir bara engu máli. Vildi að Einar væri líka grínari en hann er og verður bara Einar, sorry er ekki að fíla kappann.

Svo er það okkar eigin Eurovisionkeppni, framhald á morgun. Ef næsti þáttur verður í stíl við þann fyrri þá er ekki von á góðu. T.d. fylgið við hana Bríeti Sunnu, hvað er í gangi, hún er raddlaus og fölsk og hafði ekkert að gera í Idolinu, nú er það sama í gangi, kosin beint áfram. Reyndar var lagið gott og ég skil ekki hvernig tónelskur lagahöfundur heyrir ekki ósköpin. Lengi getur vont versnað segir einhvers staðar. En ég ætla að halda í vonina - um að við getum sent eitthvað gott til Finnlands.

GOGGA tónleikar í Gautaborg - MEIRIHÁTTAR - 25live - Í 3ja metra fjarlægð frá goðinu

25live - Í 3ja metra fjarlægð frá goðinu

Nú er ég búin að toppa það. Veit bara ekki hvaða tónlistaratriði ég gæti séð sem myndi slá honum Gogga við í tónlistarbransanum. Þetta var alveg ótrúlegt, valinkunnir snillingar í hverju rúmi, ljósasjó og læti, pólitískt grín á Búss að Gogga sið sem sló náttúrulega í gegn. Öll bestu lögin og textarnir, og eftir gott uppklapp Cerless Wispers með live trompetleikara og allt. Ég sem hélt mig góða að hafa skellt mér á Duran Duran í fyrra, hljómburðurinn þar var bara grín miðað við þetta núna. Annar hélt ég að tónleika SAGA mín væri þokkaleg Þó U2 séu eftir. Ég byrjaði á Smokie-tónleikum hérna í Höllinni fyrir nokkrum árum og hef svo farið af og til á ýmsa tónlistaviðburði síðan. En þó svo að Elton og Dr. Hook hafi verið í stuði og Bowie reynt að vera í stuði slær Goggi allt út. En fyrir aðra aðdáendur þá er heimasiðan hans tær snilld og með öllum hans lögum og textum: http://www.georgemichael.com