Var ekki verið að tala um að taka til!

Hvernig stendur á því að gerandinn í Veðurstofueineltinu, sem kostaði ríkið 500.000 krónur, situr enn í sínu starfi? Í einkafyrirtækjum er nú yfirleitt hreinsað út það lið sem veldur fyrirtækinu tjóni en hjá ríkinu er mönnum hampað og kannski veitt stöðuhækkun þegar þeir þeir valda tjóni. Hví?

Er bara verið að taka til í Kópavogi og hjá Hannesi Smárasyni? Hvað með alla hina? Er nóg að þeir hringi í fréttamenn og segist hugsa heim?

Annars vinn ég í sama húsi og Rannsóknarnefnd Alþingis og sýnist mér nú að nefndin sú sé í vexti því hún hefur dreift sér um húsið, út og suður, upp og niður. Heyrst hefur af ýmsum frægum á göngum og í lyftu hússins og meira að segja á skrítnum tímum sólarhringsins. KANNSKI ER VON.

Formaður framsóknar barnalegt frekjuskrímsli

Hef svosem aldrei trúað á framsóknarflokkinn og hélt að hann væri að deyja út - nú er ég sannfærð um að hann deyr út á næstunni - því eftir höfðinu dansa limirinir og þvílíkt höfuð - Sigmundur Davíð hefði allt eins getað lagst í gólfið og barið það með krepptum hnefum - þvílík frekjudós - hann myndi falla vel inni dagsmunstrið á flestum leikskólum bæjarins.

Óásættanleg framkoma forsetans

Hefði ekki gengið á Íslandi

Bankinn hér hefði ekki átt pening handa henni til að taka út fyrir áramótin. Eða hvað?

Reyndi að fela hundruð milljóna fyrir skattinum

Sammála - látið lífeyrissjóðina í friði

Hvernig á maður að treysta því að sama fólkið og búið er að klúðra hér málum hægri vinstri fari eitthvað betur með lífeyrissparnað landans.

Líst illa á að lífeyrissjóðir flytji fé heim

Þvílíkt rugl - á maður að flytja úr Borginni - hvað gerist á næst!

Ótrúlegt að horfa upp á fyrrverandi sjálfstæðismann og núverandi sjálfstæðismann báða af gamla skólanum reyna að sannfæra okkur Reykvíkinga um að þeir beri hag okkar fyrir brjósti og séu að fara að gera góða hluti í okkar þágu. Það sást nú bara á yngri kynslóðinni sem stóð fyrir aftan þá að hún keypti rökin ekki heldur.

Ég veit ekki í hvaða grínhandriti þessir menn eru fastir þó svo þeir hafi málefnalista upp á eina heila síðu í höndunum, aukum þjónustu, lækkum skatta, borgum helst fimm borgarstjórum laun samtímis - það er svo ódýrt.

Ég get ekki betur séð en að valdagræðgin ráði ferðinni svo er líka svo flott að hafa starfsheitið "borgarstjóri" í ferilskránni.

 Hvaða vinir fá nú hvað? Hvað á selja hverjum? Hver á græða?

Ég bíð spennt eftir þeim degi sem þessi kynslóð pólitíkusa lætur af störfum og hleypir þeirri næstu að, í þeirri trú að hún hafi kjarkinn sem þarf til að hræra upp í hlutunum, læra af mistökum forfeðranna og breyta og bæta það sem þarf.

Ólafur og Vilhjálmur stýra

Mikið djö... er alltaf kalt niðrá Torgi

Eftir að ég flutti til fjalla hafa veðurminningar mínar úr 101 eitthvað skolast til. Ég man ísilagða tjörnina og Melavöllinn á stjörnubjörtum kvöldum. Ískaupaferðir á heitum og sólríkum sumardögum og svo smáúða í Hallargarðinum á haustin. En svo í bæjarferðinni á laugardaginn var tóku minningarnar að hrannast upp. Þessi ískaldi norðangarri sem bítur svo fast í húðina að eftir standa eldrauð háræðaslit og fólk spyr hvort maður hafi verið á rjúpnaveiðum eða farið í skoðunarferð á Kárahnjúka. Nei, nei aldeilis ekki, fór bara á eitt stykki mótmælafund og Jómfrúna á eftir. Á maður ekki bara að fara að hlakka til að upp rísi TÓNLISTARHÚS sem mun vonandi ásamt fleiru þjóna því hlutverki að vera góður skjólveggur fyrir alla þá sem vilja leggja leið sína á Lækjartorg. Hvort sem erindið er að mótmæla stuttum refsingum vegna nauðgana eða kíkja á klukkuna á staðnum. Allavega hlýtur veðrið að hafa átt sinn þátt í því að illa var mætt á fundinn því málstaðurinn var góður og verður þess að sýna samstöðu í verki.

Úr einu í annað

Jæja, ekki veit ég hvar er best að byrja því af nógu er að taka í þjóðfélagsmálum hér á Fróni þessa dagana. Útlendingaumræða í algleymingi, aftur og aftur og alltaf eitthvað nýtt, ef það er ekki fjöldinn og atvinnan þá eru það fordómarnir og aðbúnaðurinn og svo Árni Johnsen. Maður er enn að tapa sér yfir kallinum og þó að Spaugstofan grínist með -tæknilegu mistökin- er óhætt að segja að öllu gríni fylgir einhver alvara og alvaran er sú að sá sem stelur frá þjóðinni hefur engan rétt á því að fara á launaskrá hjá þjóðinni aftur. Og að ráðamenn skuli vera að afsaka þetta, þora menn ekki lengur að hafa skoðanir, af hverju viðurkenna þeir ekki bara að það sé skemnmt epli í eplakassanum og því beri að henda. Ég er viss um að Árni greyið þarf ekki að fara á atvinnuleysisbætur hann á örugglega nóg af vinum sem eru æstir í að ráða hann í vinnu og borga honum sanngjörn laun. En nóg um það allt saman ég ætla að halda áfram að halda í þá von að til séu sjálfstæðismenn sem stoppa þetta rugl í tíma.

Bíddu voru menn ekki eitthvað að tala um hvali - hvalveiðar - morð á hvölum. Er umræðan búin? Eru Bretar enn í fílu? Bíddu, Bretar eru að myrða hverja? Held þeir ættu bara að láta okkur í friði þessir and......

Stórir strákar og boltar, alltaf gaman að horfa á sæta stráka elta bolta - það væri líka smart að lækka aðeins launin þeirra og brauðfæða eina þjóð eða svo - ja bara smá pæling.

En var ekki gaman að fá smá snjó? Allt svo hreint og bjart. Væri til að fá hvít jól í ár.

Voru þið búin að heyra þennan: Steini bóndi dó og ekkjan hans hringdi inn svohljóðandi dánartilkynningu í Moggann: -Steini er dauður-, þeim hjá Mogganum þótti þetta nú heldur snubbótt og sögðu að lágmarksorðanotkun í dánartilkynningum væri 6 orð. Ekkjan hugsaði sig um í smá stund, en svo kom það: Steini er dauður, Toyota til sölu.